Cricket Himalaya
Cricket News From Top of The World

अन्तर बिद्यालय क्रिकेट, सप्तरी : दोश्रो दिनको खेलमा लिटल एन्जल र शिब्स बिजयी

२६ पौष, राजबिराज ।

सप्तरी क्रिकेट संघ संगको सहकार्यमा ग्रिन नेपाल राजबिराजद्धारा राजबिराजको राजरंगशालामा आयोजित अन्तर बिद्यालय क्रिकेट प्रतियोगिता अन्र्तगत दोश्रो दिनको खेलमा शिब्स इन्टरनेश्नलले पबिमाबिलाई ९ बिकेटले तथा लिटल एन्जलले केअमाबिलाई ८८ रनले पराजित गरेको छ ।

शनिवार सम्पन्न पहिलो खेलमा पबिमाबिले टसजिती पहिलो ब्याटिंग गर्ने निर्णय गर्दै निर्धारित २० ओभरको खेलमा ७ बिकेट गुमाई १ सय ११ रनको योगफल तयार पारेका थिए । पबिका लागि गुड्डु रायले नटआउट रहि ३७ तथा कि«स राय १६, शौरभ झा १२, संजय यादव ११ र बिष्णु मण्डल नटआउट रहि ११ रनको योगदान दिएका थिए ।

बलिंग तर्फ शिब्सका तर्फबाट बिशाल यादवले ३ तथा राज बर्मा र अजय यादवले सामान १ बिकेट लिएका थिए ।

१ सय १२ रनको लक्ष्य लिई मैदानमा ओर्लेको शिब्सले उक्त लक्ष्य १३ ओभरमा १ बिकेटको नोक्सानीमै सजिलै भेटाएका थिए । शिब्सका लागि भोला साहले नटआउट रहदै ४३ बलमा ९ चौक्काको मद्धतले ५० रनको योगदान दिएका थिए भने कमल किशोर मण्डलले ३४ बलमा नटआउट रहि २७ रनको योगदान दिएका थिए । पबिका तर्फबाट १ मात्र बिकेट बिष्णु मण्डलले प्राप्त गरेको थियो ।

खेलको म्यान अफ द म्याच उत्कृष्ट ब्याटिंग गरेका शिब्स ईन्टरनेश्नलका भोला साहलाई कामना बिकास बैंकका प्रबन्धक सुर्यनारायण मुखियाले नगद तथा ट्रफी प्रदान गरेका थिए ।

शनिवार नै सम्पन्न दोश्रो खेलमा लिटल एन्जलले टसजिती पहिलो ब्याटिंग गर्ने निर्णय गर्दै निर्धारित २० ओभरको खेलमा ५ बिकेट गुमाई १ सय ५१ रनको बिशाल योगफल तयार पारेका थिए । लिटल एन्जलका लागि नितेश यादवले ४३ बलमा ७ चौक्काको मद्धतले नटआउट रहि ५६ रनको योगदान दिएका थिए भने भोगेन्द्र यादवले ३८ रनको योगदान दिएका थिए ।

बलिंग तर्फ केअमाबिका तर्फबाट गोलु सिंह, संतोष मण्डल, मो. सदाम र मो. सेहनबाजले सामान १ बिकेट लिएका थिए ।

१ सय ५२ रनको बिशाल लक्ष्य लिई मैदानमा ओर्लेको पबिमाबि लिटल एन्जलको धारिलो बलिंग सामु निरिह हुदै १३ ओभर ४ बलमै आफनो सम्पुर्ण बिकेट गुमाई ६३ रनमै समेटिएको थियो । पबिलाई सस्तोमा समेटन लिटल एन्जलका तर्फबाट गणेश झा, रुपक यादव, नितेश यादव र राहुल बिकले सामान २ बिकेट तथा आशुतोष यादवले १ बिकेट लिएका थिए भने लिटल एन्जलका लागि शितल परियार २४ बाहेक कसैले दोहोरो अंक छुन सकेका थिएन ।

खेलको म्यान अफ द म्याच अलराउण्ड प्रर्दशन गरे वापत लिटल एन्जलका नितेश यादवलाई प्रभु सहकारी संस्थाका ब्यवस्थापक राजकुमार साहले नगद तथा ट्रफी प्रदान गरेका थिए ।

प्रतियोगिता अन्र्तगत आईतवार एकमात्र खेल प्रिमियर सेकेण्ड्री स्कुल र रोज पब्लिक सेकेण्ड्री बिच हुने जानकारी आयोजक समितिका संयोजक खेलानन्द दासले गराउनु भएको छ ।