Cricket Himalaya
Cricket News From Top of The World

बुटवललाइ पराजित गर्दै बिराटनगर इलिमिनेटरमा प्रबेस, काठमाडौ बाहिरियो

पौष ९, क्रिकेट हिमालय

क्विन्स इभेन्ट म्यानेजमेन्ट प्रालिको आयोजनामा पोखरामा मङ्सिर २९ – पौष १२ सम्म पोखरा रंगशालामा हुने ‘पोखरा प्रिमियर लिग टी२० क्रिकेट प्रतियोगिता’ अन्तर्गत एघारौ दिनको एकमात्र खेलमा बुटवल ब्लास्टर्स बिरुद्ध बिराटनगर टाइटान्स बिजयी भएको छ |

सुरुमा ब्याटिङ गर्दै बुटवलले २० ओभरमा ८ विकेट गुमाउँदै १३३ रन बनाएको थियो | एच टन्कले ४४ बलमा ६७, सुभम सिंह २६ बलमा ३७, सिद्धान्त लोहनी २१ बलमा ११ रन बनाएका छन |

बिराटनगरका लागि मोहम्मद जायद आलमले ४, किसोर महतो २, साहब आलम, दिपेस श्रेष्ठले समान १/१ विकेट लिएका थिए |

लक्ष पछ्याएको बिराटनगरले १२.२ ओभर भित्र १३४ रन बनाउन सक्दा क्वालिफाइ हुने समीकरण रहेको थियो |

बिराटनगरले ११.४ ओभरमा ६ विकेट गुमाउदै लक्ष पूरा गरेपछी ४ विकेटको जित निकाल्दै प्ले अफको लागि क्वालिफाइ भएको छ |

मोहम्मद जायद आलमले १० बलमा २४, लोकेस बमले ५ बलमा १३, पुनित मेहराले १७ बलमा ३२, नोमन खानले २२ बलमा ३५ रन, पुस्प थापा ८ बलमा १८* रन बनाएका छन |

बुटवलका लागि एच टन्क १, नितेस थापा १, अबिनास बोहराले १, कमल खत्रीले १ विकेट लिएका थिए |

पिपिएल टिमहरु

पोखरा प्रिमियर लिगको दोस्रो संस्करणमा पनि नेपालका ६ सहरका ६ फ्रेञ्चाइज टिमहरु विराटनगर टाइटन्स, पोखरा पल्टन, बुटवल ब्लास्टर्स, चितवन राइनोज, काठमाडौं गोल्डेन वारीयर्स र धनगढी ब्लुज रहेका छन |

पिपिएल पुरस्कार

प्रतियोगिताको विजेतालाई २७ लाख रुपैयाँ प्रदान गरिनेछ भने उपविजेताले १० लाख रुपैयाँ प्राप्त गर्नेछन | प्रतियोगिताका उत्कृष्ट तीन खेलाडीलाई मोटरसाइकल प्रदान गरिनेछ भने म्यान अफ दि सिरिज, उत्कृष्ट ब्याट्म्यान र उत्कृष्ट बलरलाई जगदम्बा मोटर्सले उपलब्ध गराउने टिभिएस मोटरसाइकल प्रदान गरिनेछ |यस्तै प्रतियोगिताको मोस्ट भ्यालुएवल खेलाडीलाई १ लाख र नमस्ते पोखरा प्रिमियर लिगको ईमर्जिङ्ग खेलाडीलाई रु ५० हजार रुपैंया साथै प्रत्येक खेलमा नेपाल टेलिकम म्यान अफ दि म्याच हुने खेलाडीलाई १० हजार दिइनेछ |

प्रत्येक खेलमा उत्कृट क्याच गर्ने खेलाडिलाई सुविसु किलियर टिभि किलियर, एक हातले क्याच गर्ने दर्शकलाइ रु १५ हजार र प्रत्येक खेलमा सवै भन्दा छिटो अर्धसतक प्रहार गर्ने खेलाडीलाई सुविसु फास्टेस फिप्टि प्रदान गरिनेछ जुन १ वर्षको लागी निशुल्क सुविसु केवलनेट प्रा.लिले इन्टर नेट र किलियर टिभि उपलब्ध गराउनेछ ।

पिपिएलमा आवद्ध बिदेसी खेलाडी

धनगढीले भारतीय अलराउन्डर अमित यादव, क्यानडाका बायाँ हाते ब्याट्सम्यान रोड्रिगो थोमस र विकेटकीपर श्रीमन्था विजयरत्नेलाई टोलीमा भित्र्याएको छ | बुटवलले भारतीय अफ्ताब उदीन, शिवम सिंह र हर्ष टोन्कलाई टोलीमा अनुबन्ध गरेको जनाएको छ | बिराटनगरले भारतिय पुनित मेहर, पाकिस्तानी मोहम्मद जायद आलम अनुबन्ध गरेको छ | काठमाडौले भारतिय खेलाडीहरु गौरब तोमर, जयकिसन कोल्सावाला, सुबोध भाटी भित्राएको छ | चितवनले युएइका रोहन मुस्तफा, हङकङका बाबर हयात र भारतिय सन्नी पटेललाई अनुबन्धित गरेको छ | पोखराले भारतिय खेलाडीहरु रवि इन्दर सिंह, प्रथमादेस डके र परागलाई अनुबन्ध गरेको जनाएको छ |