Cricket Himalaya
Cricket News From Top of The World

रुपन्देहीमा सम्पन्न ‘अन्तर बिद्ध्यालय क्रिकेट’ को उपाधी बिजेता होराइजन गौतम स्कुल

मङ्सिर ४, क्रिकेट हिमालय

रुपन्देहीमा सम्पन्न ‘न्यु होराइजन इन्टर स्कुल जिल्ला स्तरीय क्रिकेट प्रतियोगिता’ अन्तर्गत न्यु होराइजन बोर्डिङ स्कुललाइ ७ रनले पराजित गर्दै होराइजन गौतम बुद्ध स्कुलले उपाधी जितेको छ |

फाइनल खेलमा सुरुमा ब्याटिङ गर्दै होराइजन गौतम बुद्धले निर्धारित ओभरमा ७ विकेट गुमाउँदै ९० रन बनाएको थियो | उसका लागि निस्चल पराजुली २४, आरिफ खान १३ रन बनाएका थिए |

न्यु होराइजनका लागि प्रकाश गिरि, अमर मिश्र, अनिस कुमारले समान १/१ विकेट लिएका थिए |

लक्ष पछ्याएको न्यु होराइजन अल आउट हुँदै ८३ रनमा समेटिएपछी ७ रनको हार बेहर्यो | मदन खरेलले २४ रन बनाएका थिए भने सुजल मगर र प्रकाश गिरिले समान १२/१२ रन बनाएका थिए |

होराइजन गौतम बुद्धको लागि बिनय श्रेष्ठले ४, बिप्सन केसिले २, सुमित पराजुली र निस्चल पराजुलिले समान १/१ विकेट लिएका थिए |

प्रतियोगिताको समापन समारोहमा रुपन्देही जिल्ला क्रिकेट संघका अध्यक्ष प्रसान्त बिक्रम मल्लको उपस्तिथि रहेको थियो |