Cricket Himalaya
Cricket News From Top of The World

पहिलो राउन्डको अन्तिम खेलमा टोरन्टो बिजयी, सन्दिपको राम्रो प्रदर्शन

श्रावण २०, क्रिकेट हिमालय

श्रावण ९ देखि सुरु भएको दोस्रो संस्करणको ‘ग्लोबल टि-ट्वान्टी लिग क्यानडा’ अन्तर्गत सन्दिप लामिछानेले पहिलो राउन्डको आफ्नो पाचौ एवम अन्तिम खेलमा मोन्ट्रीयल टाइगर्स बिरुद्ध उत्कृष्ट प्रदर्शन गरेका छन । टिमको पाचौ एवम आफ्नो लगातारको दोश्रो खेलमा सन्दिपले ४ ओभरमा २८ रन दिएर १ विकेट लिन सफल भएका थिए । मोन्ट्रीयलले सुरुमा ब्याटिङ गर्दै २० ओभरमा ९ विकेट गुमाएर १३६ रन मात्र बनाएको छ भने सन्दिप आवद्ध टोरन्टोले १७.३ ओभरमा ६ विकेट गुमाउदै १३७ रन बनाएपछी ४ विकेटले बिजयी भयो । दोश्रो राउन्डमा पहिलो राउन्डको समाप्तिमा अन्क तालिकामा रहने पहिलो र छैठौ, दोश्रो र पाचौ, तेश्रो र चौथो टिम खेल्नेछन । दुबै राउन्डको कुल अन्कको आधारमा टप ४ ले क्वालिफायर खेल्नेछन ।

सन्दिप र सोमपालको प्रदर्शन

सिजनमा डेब्यु गरेका सन्दिप लामिछानेले टिमको चौथो खेलमा ४ ओभरमा ४४ रन दिएर १ विकेट लिएका थिए । सोमपाल कामिले टिमको पाचौ खेलमा २ ओभरमा ३३ रन दिएर कुनै विकेट लिन सकेनन ।

हालसम्म टोरन्टो न्यासनल र विन्निपेग ह्वक्सको प्रदर्शन

सन्दिप आवद्ध टोरन्टो न्यासनलले पहिलो खेलमा भ्यान्कौभेर नाइट्स सङ्ग पराजित भएको थियो भने दोश्रो खेलमा एडमन्टन रोयल्स बिरुद्ध २ विकेटको जित हात पारेको थियो । त्यसैगरी तेश्रो खेलमा सोमपाल आवद्ध विन्निपेग ह्वक्स सङ्ग ३ विकेटले पराजित भएको थियो । ब्रहम्प्टन वुल्भ्स बिरुद्ध ११ रनले चौथो खेलमा पराजित रहेको थियो । त्यसगरी सोमपाल कामी आवद्ध विन्निपेग ह्वक्सले आफ्नो पहिलो खेलमा मोन्ट्रीयल टाइगर्स बिरुद्ध २४ रनले पराजित रहेको थियो भने श्रावण १२ मा दोश्रो खेल भ्यान्कौभेर नाइट्सलाई ७ विकेटले र सोमपाल आवद्ध टोरन्टो न्यासनललाइ ३ विकेटले पराजित गरेको थियो । चौथो खेलमा उल्भ्स बिरुद्ध ७ रनले पराजित रहेको थियो भने पाचौ खेलमा एडमन्टन रोयल्स सङ्ग ८ विकेटले पराजित रहेको थियो ।

अंक तालिका

सोमपाल आवद्ध विन्निपेग ह्वक्स टिम

रयद इमरित (कप्तान), उमर अक्मल, साइमन अनवर, ड्वाने ब्राभो, जेपि ड्युमिनी, रोमेस इराङ्गा, उमेयर घानी, सोमपाल कामी, क्रीस लिन, कलिम शाना, वरुन सेहदेब, रमिब सहजाद, ड्वयने स्मिथ, सन्नी सोहल, हम्जा तारिक, पौल भान मिकिरन, नजिबुल्लाह जद्रान

सन्दिप आवद्ध टोरन्टो न्यास्नल टिम

युवराज सिंह (कप्तान), ट्रेन्ट बोल्ट, मनप्रीत गोनि, जेरेमी गोर्डन, क्रीस ग्रीन, हेइनरिच क्लासिन, सन्दिप लामिछाने, कालम म्याक्लियड, मिचेल म्याक्लेघान, ब्रेन्डन म्याकुलम, मार्क मन्टफर्ट, सलमान नजर, काइरेन पोलार्ड, गुलाम सब्बेर, रबिन्दरपल सिंह, चिराग सुरि, रोड्रीगो थोमस

सहभागी टिम

ब्रहम्प्टन वुल्भ्स, एडमन्टन रोयल्स, मोन्ट्रीयल टाइगर्स, टोरन्टो न्यासनल्स, भ्यान्कौभेर नाइट्स, विन्निपेग हव्क्स

६ टिम सहभागी हुने प्रतियोगिता राउन्ड रोबिन र प्ले अफ सिस्टममा संचालन हुनेछ । प्रतियोगितामा १८ राउन्ड रोबिन, ३ प्ले अफ र १ फाइनल गरि जम्मा २२ खेल हुनेछन् । टोरन्टो न्यासनलले सन्दिपलाइ ६० हजार डलरमा आवद्ध गरेको हो भने सोमपाल कामिलाइ ३ हजार डलरमा हक्सले आवद्ध गरेको थियो ।

पहिलो सिजनमा सन्दिपको प्रदर्शन

पहिलो संस्करणको ग्लोबल टि-ट्वान्टी क्यानडा क्रीकेट प्रतियोगितामा सन्दीप लामिछाने लासिथ मालिंगाको कप्तानिमा रहेको मोन्ट्रेअल टाइगर्समा आवद्ध थिए । प्रतियोगितामा उनी आवद्ध टिम जम्मा ६ खेल मध्ये २ खेलमा जित र ४ खेलमा पराजित हुदै प्रतियोगिताको पाँचौ भएको थियो । ६ मध्ये ५ खेल खेलेका सन्दीप लामिछानेले २० ओभरमा २ मेडन ओभर गर्दै १५७ रन खर्चिएर ८ विकेट लिएका थिए । २० ओभर (१२० बल) मा ५७ बल डट गरेका लामिछानेको बलिङ एभरेज १९.६३, इकोनोमी ७.८५ र स्ट्राइक रेट १५ छ । त्यस्तै २ खेलमा ब्याटिङ गर्दै ४ बल खेलेका लामिछानेले ८ रन जोडेका थिए ।