Cricket Himalaya
Cricket News From Top of The World

ब्रमास्मी एसईई कप क्रिकेट : दोस्रो दिन कैलाली डल्फीन र दङगाली त्रिशुल बिजयी

२७ जेष्ठ, काठमाडौं

नेक्सस क्रिकेट एकेडेमीको आयोजनामा काठमाण्डौको मुलपानी क्रिकेट मैदानमा जेष्ठ २६ गते बाट शुरु भएको “ब्रमास्मी एसईई कप क्रिकेट प्रतियोगिता” को दोस्रो दिनको पहिलो खेल काठमाण्डौ रोयल्स लाई १ रन ले पराजित गर्दै कैलाली डल्फीनले आफ्नो बिजयी लाई जारी राखेको छ भने दोस्रो खेल बिराटनगर लाई ६ विकेटले पराजित गर्दै दङगाली त्रिशुल ले पहिलो जित दर्ता गरेको छ ।

पहिलो खेल

टस जितेर ब्याटिङ रोजेको कैलाली डल्फीनले ४ विकेट गुमाउदै निर्धारित २५ ओभरमा १९० रन बनाएको थियो । कैलालीका ब्याट्स म्यान साहिल पटेलले ५४ खेल्दै ७ चौकाको मद्दतले ७१ रन बनाउदै नट आउट रहेका थिए भने अस्फाक खानले ४२ बलमा ३ चौका प्रहार गदै ३२ रन बनाएका थिए ।

बलिङ तर्फ काठमाण्डौका निकेश गुप्ता र अनुप नेपालले समान २÷२ विकेट लिएका थिए ।

जवाफी ब्याटिङ मा उत्रेको काठमाण्डौ रोयल्सका शाहयद मन्सुरी ले बिष्पोटक ब्याटिङ गर्दै ३६ बलमा ४ छक्का ५ चौका को मद्दतले ६९ रन बनाए पनि निर्धारित २५ ओभर समाप्तीमा टिमको रन १८९ मा सिमित भए पछि १ रन ले पराजय ब्यहोर्न पुग्यो । अन्य ब्याट्स म्यान उत्तम थापाले ३९, सुनोज के सी ले २४ र अनुप नेपालले १८ रनको योगदान गरेका थिए ।

बलिङ तर्फ कैलालीका रमेश बुढाले ३, सरद सुबेदीले २ र सुनिल भण्डारीले १ विकेट लिएका थिए ।

खेलको म्यान अफ द म्याच साहिल पटेल भएका थिए ।

दोस्रो खेल दङगाली त्रिशलु बिजयी

जेष्ठ २७ गते सम्पन्न दास्रो खेलमा टस जितेर ब्याटिङ रोजेको बिराटनगरले २४.१ ओभरमा १० बिकेट गुमाउदै १०३ रन बनाउन सफल भएको थियो ।

बिराटनगरका रोहोन भट्टराई र उमंग बस्नेतले समान १८÷१८ रन र शंकर पौडेलले १३ रन बनाउदा टिमले अतिरिक्त ३३ रन प्राप्त गरेको थियो ।

बलिङ तर्फ दङगाली त्रिशुलका बलर भुपेन्द्र चन्द र सार्थक न्योपानेले समान ३÷३ बिकेट लिएका थिए भने सृजन गुरुङ र अदित राउतले समान २÷२ बिकेट लिएका थिए ।

१०४ रन को लक्ष्य लिएर ब्याटिङमा उत्रेको दङगाली त्रिशुल २४ ओभरमा ६ विकेट गुमाउदै १०४ रन बनाउन सफल भए पछि ४ बिकेटले बिजयी भएको थियो ।

ब्याट्स म्यान सृजन गुरुङ ४५ बल खेल्दै १ छक्का ४ चौका प्रहार गरि ३९ रन नट अनउट रहे भने सम्भव श्रेष्ठ २५, सक्रिय कार्की १५ र सवाज खानले ११ रन बनाएका थिए ।

बलिङ तर्फ बिराटनगरका रोहन भट्टराई र उमंग बस्नेतले समान २÷२ विकेट लिन सफल भएका थिए

जेष्ठ २८ गतेको खेल तालिका

जेष्ठ २७ गते पहिलो खेल — बिराटनगर लाईन्स र कैलाली डल्फीन
जेष्ठ २७ गते दास्रो खेल — काठमाण्डौ रोयल्स र दङगाली त्रिशुल