Cricket Himalaya
Cricket News From Top of The World

सुदुर पस्चिमको राम्रो प्रयास, तर अन्त्यमा एपिएफ ३ विकेटले बिजयी

१३ जेठ, क्रिकेट हिमालय

तेस्रो संस्करणको प्रधानमन्त्री कप एकदिवसिय राष्ट्रिय क्रिकेट प्रतियोगिता अन्तर्गत चौथो दिनको खेल अन्तर्गत किर्तिपुरमा एपिएफले सुदुर पश्चिमलाई ३ विकेटले पराजित गरेको छ !

टस जितेर सुरुमा ब्याटिङ गरेको सुदुर पस्चिमले पहिलो विकेटको लागि ९.१ ओभरमा ३१ रनको साझेदारी गरेको थिय, ७ विकेट गुमाउदै ११० को अवस्थामा रहेको सुदुर पश्चिम अन्त्यमा ३७.१ ओभरमा अल आउट हुँदै १२५ रनमा सिमित भएको थियो

सुदुर पस्चिमका लागि बिपिन रावलले ५१ बलमा २१, खडक बोहराले २२ बलमा १९, लोकेस बमले ५८ बलमा ३०, रोशन अधिकारिले १९ बलमा १६, शेर मल्लले १८ बलमा ११ रन बनाएका थिए !

एपिएफका लागि अबिनास बोहराले २, सरद भेषावकर १, भुवन कार्की १ र पृथु बास्कोटाले १ विकेट लिएका थिए

झिनो लक्ष पछयाएको एपिएफले सुरुवात राम्रै गरेको थियो, पहिलो विकेटको लागि सरद भेषावकर र आसिफ सेखले ९ ओभरमा ३६ रनको साझेदारी गरेका थिए ! सरदले ३६ बलमा २६ रन बनाए भने आसिफले २८ बलमा मात्र ३ रन बनाएका थिए !

सुदुर पस्चिमका स्पिनरले लगातार दवाव दिदा एक समय एपिएफ २०.५ ओभरमा ५ विकेट गुमाएर ६९ रनको अवस्थामा थियो !

प्रदिप एरि ३५ बलमा १०, एस राना १, एस महर्जन २० बलमा १५ रन बनाएर आउट भएका थिए !

छैठौ विकेटको लागि सन्दिप जोरा र पृथु बास्कोटा बिचको ४० रनको साझेदारिले उक्सिएको एपिएफले ७ विकेट गुमाउदै ३४.४ ओभरमा १२७ रन बनाउदै ३ विकेटको जित हात पार्यो

सन्दिप जोराले २६ बलमा २२ रन बनाए भने पृथुले ४७ बलमा ३२* रन बनाएका थिए ! भुवन कार्की २ रन र अमर सिंह राउटेलाले ०* रन बनाए !

सुदुर पस्चिमका लागि सेर मल्ल २, बिकास आग्री १, बिनोद लामा ३, नरेन्द्र साउदले १ विकेट लिएका थिए !

प्रतियोगितामा ७ प्रदेश र तीन विभागिय गरि १० टोलीको सहभागिता रहनेछ । सहभागी टोलीलाई दुई समूहमा विभाजन गरिएको छ ।

समुह “ए” मा सशस्त्र प्रहरी बल, ५ न. प्रदेश, ३ न. प्रदेश, सुदुरपश्चिम प्रदेश र गण्डकी प्रदेश रहेका छन्

समुह “बी” मा त्रिभुवन आर्मी क्लब, नेपाल पुलिस क्लब,२ न. प्रदेश, १ न. प्रदेश र कर्णाली प्रदेश रहेका छन्।

राउन्ड रोविन लिग पछि समूहका शीर्ष २ टोली सेमिफाइनल पुग्नेछन् । सेमिफाईनल खेल जेठ २२ र २३ गते हुने छ । २४ गते रेस्ट हुँदा २५ गते फाईनल हुने छ ।

सम्पुर्ण खेल नेपाली समय अनुसार बिहान ९.१५ बजे सुरु हुनेछन्।

प्रधानमन्त्री कपको विजेताले उपाधिसहित २० लाख रुपैयाँ, उपविजेता हुने टोलीले १० लाख रुपैयाँ प्राप्त गर्नेछ। प्रतियोगिताको उत्कृष्ट खेलाडीले मोटर साइकल पाउने छन् भने उत्कृष्ट ब्याट्सम्यान र बलरले समान ५० हजार प्राप्त गर्ने छन्।

प्रतियोगितामा एक हातले क्याच लिने दर्शकले ५० हजार रुपैयाँ पाउने छन्। प्रतियोगितामा १ करोड ७५ लाख रुपैयाँ खर्च हुने अनुमान गरिएको छ।