Connect with us

Cricket Himalaya News

तपस्या कप स्कुल क्रिकेट, दाङ्ग : पद्मोदय नमुना मा वि उपाधी बिजेता

दाङ, फागुन २५ ।

तपस्या कप जिल्लास्तरिय विद्यालय टि–२० क्रिकेट प्रतियोगीताको उपाधी पद्मोदय पव्लिक नमुना माध्यमिक विद्यालय घोराहीले हात पारेको छ ।

शान्ति निकेतन विद्यालयको आयोजना तथा तपस्या ट्रेडर्सको मुख्य प्रायोजन एवं क्रिकेट संघ दाङको प्राविधिक सहयोगमा भएको प्रतियोगीताको फाइनलमा सिद्धार्थ एकेडेमी घोराहीलाई २० रनले पराजित गर्दै पद्मोदयले उपाधी हात पारेको हो ।

टस हारेर व्याटिङको निम्तो पाएको पद्मोदयले निर्धारित २० ओभरको खेलमा १९.५ ओभर खेल्दै ११८ रनको योगफल तयार पारेको थियो । जसमा पद्मोदयका युवराज सुवेदीले उत्कृष्ट पारी खेल्दै ३१ रन, अभिषेख खनालले २७, शरद सुवेदी १७ र आकर्ष पाण्डेले १६ रनको योगदान दिनुभएको थियो ।

बलिङतर्फ सिद्धार्थका सुदिपकुमार ओलीले सर्वाधिक ४ विकेट, सिजन शाही र समिर रावतले समान २/२ विकेट लिनुभएको थियो ।

११९ रनको लक्ष्यसहित मैदान प्रवेश गरेको सिद्धार्थले निर्धारित २० ओभरमा ८ विकेटको गुमाउँदै ९८ रनमा समेटिएको थियो । जसमा सुदिपकुमार ओलीले उत्कृष्ट पारी खेल्दै सर्वाधिक ४० रन जोड्नुभएको थियो । त्यस्तै शेषमणि चौधरीले २१ रन जोडे पनि अन्य व्याट्सम्यानले दोहोरो अंक छुन सकेनन् ।

सिद्धार्थलाई सस्तैमा समेट्ने क्रममा पद्मोदयका सुमन दशौदीले ३, युवराज सुवेदीले २, जीवन आले मगर र शरद सुवेदीले १/१ विकेट लिन सफल हुनुभएको थियो ।

खेलमा टिमलाई विजयी बनाउन महत्वपूर्ण भूमिका खेल्ने पद्मोदयमा युवराज सुवेदीलाई म्यान अफ द म्याच घोषणा गरिएको थियो ।

यसैबीच शनिबार नै विजेता टीमलाई पुरस्कार र प्रमाण पत्र वितरण गरिएको छ । उपाधी विजेता पद्मोदयले नगद २५ हजार, ट्रफि र मेडल हाल पारेको छ । भने उप विजेता सिद्धार्थ एकेडेमीले नगर १५ हजारसहित ट्रफ्रि र मेडल हात पारेको छ । त्यस्तै प्लेयर अफ द सिरिज पद्मोदयका युवराज सुवेदी, बेष्ट बलरमा शान्ति निकेतनका सन्दिप पोख्रेल, इमर्जिङ प्लेयरमा शान्ति निकेतनकै सुप्रिम रोका, वेष्ट व्याट्सम्यानका रुपमा भ्यालिटपका पछाईलाई पुरस्कृत गरिएको थियो ।

शान्ति निकेतन विद्यालयका प्रबन्ध निर्देशक सुनिल गौतमको अध्यक्षतामा भएको पुरस्कार वितरण कार्यक्रममा प्रमुख अतिथिको आसनबाट बोल्दै घोराही उपमहानगरपालिकाका प्रमुख नरुलाल चौधरीले खेल क्षेत्रको विकासका लागि उपमहानगरपालिका लागिपरेको बताउनुभयो । खेलको पूर्वाधार विकासका लागि यस वर्ष प्रयाप्त मात्रामा वजेट विनियोजन गरेको भन्दै प्रमुख चौधरीले यस वर्षदेखि उपमहानगरपालिकाभित्र २ वटा खेल मैदान निर्माण सुरु हुने बताउनुभयो ।

घोराही उपमहानगरपालिका वडानम्वर १७ गुलरियाको क्रिकेट मैदान र वडानम्वर १६ करौंती डाँडामा बहुउद्देश्यीय रङ्गशाला निर्माण कार्य यसै वर्षदेखि सुरु हुने चौधरीले बताउनुभयो । जिल्लाको समृद्धिका लागि खेल क्षेत्रको पनि विकास हुनुपर्ने भन्दै उपमहानगर प्रमुख चौधरीले खेलाडीहरुले आफ्नो क्षमता प्रदर्शन गरेर जिल्लालाई चौतर्फि चिनाउनुपर्ने बताउनुभयो । खेलाडीहरुको क्षमता विकासका लागि पनि आफूहरुले योजना बनाइरहेको चौधरीको भनाई थियो ।

कार्यक्रममा विशिष्ट अतिथिको आसनबाट बोल्दै प्रतियोगीताका मुख्य प्रायोजक तपस्या टे«डर्सका प्रमुख एवं व्यवसायी खड्ग बुढाथोकीले जिल्लाको खेल क्षेत्रको विकासका लागि निजी क्षेत्रले गरेको लगानीलाई खेलाडीहरुले सदुपयोग गर्नुपर्ने बताउनुभयो । खेलाडी उत्पादनका लागि विद्यालय स्तरमा विभिन्न प्रतियोगीता हुनुपर्ने भन्दै व्यवसायी बुढाथोकीले प्रतियोगीताका लागि निजी क्षेत्रको साझेदारी रहने बताउनुभयो ।

कार्यक्रममा बोल्दै विशिष्ट अतिथि नेपाल पत्रकार महासंघका अध्यक्ष सविन प्रियासन र खेलकुद विकास समिति दाङका कोषाध्यक्ष कैलाश रोकाले खेलको विकास भए मात्रै अन्य क्षेत्रको विकास हुने बताउनुभयो । खेलले अनुशासनका साथै शारिरीक स्फ्रुति दिने हुँदा विद्यार्थीहरुलाई खेलमा लगाउनुपर्ने बताउनुभयो ।

क्रिकेट संघ दाङका अध्यक्ष प्रदिप मजगैयाले धन्यवाद ज्ञापन गर्नुभएको कार्यक्रमको सहजीकरण शान्ति निकेतन विद्यालयका भाइस–प्रिन्सिपल टीका बस्नेतले गर्नुभएको थियो । गत फागुन २१ गतेदेखि गुलरिया क्रिकेट मैदानमा सुरु भएको प्रतियोगीतामा जिल्लाका १२ वटा विद्यालयको सहभागिता रहेको थियो । प्रतियोगीताको मुख्य प्रायोजकमा तपस्या ट्रेडर्स, सह–प्रायोजकमा घोराही उपमहानगरपालिका वडानम्वर १५, ड्रिमल्याण्ड टे«डर्स घोराही दाङ र व्यवसायी सनत गिरी रहनुभएको थियो ।

त्यसैगरी प्रतियोगीताको प्रथम पुरस्कार घोराही उपमहानगरपालिका र दोस्रो पुरस्कार द् लोटस टे«निङ सेन्टर घोराहीले प्रायोजन गर्नुभएको थियो । प्रतियोगीताको हस्पिटालिटी पार्टनरमा टी थ्री प्यालेस र फुड एण्ड रिफ्रेसमेन्ट पार्टनरमा मानाकासी सिने प्लेक्स घोराही र अन्य प्रायोजकमा सत्यवती पुस्तक पसल, दङाली माछापालन, साइन रेसुङ्गा डेभलपमेन्ट बैंक, एम.एस.अटो घोराही, दीयो गार्मेन्ट घोराही, सनराइज मेडिसिएन एण्ड डिस्ट्रिब्यूटर्स घोराही, कैलास रोका र बाशुदेव शर्मा रहनुभएको थियो ।

Post Your Comments

comments

Click to comment

Leave a Reply

Your email address will not be published. Required fields are marked *

आजको खेल :

Prime Minister Cup
2019
Mulpani Cricket Stadium

Prime Minister Cup
2019
Tribhuvan University International Cricket Ground

🇳🇵 Fixtures

Prime Minister Cup
2019
Mulpani Cricket Stadium

Prime Minister Cup
2019
Tribhuvan University International Cricket Ground

Prime Minister Cup
2019
Tribhuvan University International Cricket Ground

Prime Minister Cup
2019
Mulpani Cricket Stadium

ICC World Cup Twenty20 Asia Qualifier
2019
Indian Association Ground

Advertisement

More in Cricket Himalaya News