Connect with us

Nepal International

एसिसीको दुई बर्षे खेल तालिका सार्वजनिक, एसिया कप सहित १४ प्रतियोगिता

माघ १, शिशिर भट्टराई
एशियाली क्रिकेट काउन्सिल (एसिसी)ले आगामी २ बर्षे कार्यक्रमको तालिका सार्वजनिक गरेको छ । यस क्रममा एसिसीले पुरुष, महिला र उमेर समूहका १४ प्रतियोगिता आयोजना गर्ने भएको छ भने ३ कोचिङ कोर्ष संचालन गर्ने छ । यस क्रममा एसिसीले दुई वर्षबीचमा टि-ट्वान्टी एशिया कप, महिला एशिया कप, एशिया कपको महिला र पुरुष छनौट प्रतियोगिता, दूई अन्डर १९ एशिया कप, दूई इमर्जिङ टिम्स कप कासाथै सिनियर, अन्डर १९ र अन्डर १६ को पुर्वी र पश्चिम क्षेत्रीय प्रतियोगिता आयोजना गर्ने भएको छ ।

२०१९ मा अन्डर १९ एशिया कप
एसिसीले जारी गरेको तालिका अनुसार यसै बर्ष जुलाई-अगस्टमा श्रीलंकामा अन्डर १९ एशिया कप आयोजना हुने भएको छ । उक्त प्रतियोगितामा ५ टेष्ट राष्ट्रका साथै क्षेत्रीय प्रतियोगितामा उत्कृष्ट प्रदर्शन गर्ने ३ एसोसिएट हुने छन् । क्षेत्रीय प्रतियोगिताअन्तर्गत पश्चिम क्षेत्रको प्रतियोगिता फेब्रुअरीमा हुने छ भने पूर्ब क्षेत्रको प्रतियोगिता मईमा मलेसियामा हुने छ । यसका साथै एसिसिले मार्चमा पूर्ब क्षेत्रको थाईल्याण्ड र अक्टोबरमा ओमनमा अन्डर १६ प्रतियोगिता संचालन गर्ने छ । एसिसीको बर्गिकरण अनुसार पुर्वी क्षेत्रमा नेपालसंगै हंगकंग, मलेसिया, सिंगापुर, थाइल्याण्ड, भुटान, चिन र म्यानमार रहेका छन् भने पश्चिम क्षेत्रमा यूएई, ओमन, साउदी अरेबिया, इरान, मालदिभ्स, कुवेत र कतार रहेका छन् ।

नेपालले इमर्जिङ टिम्स कप गुमाउने
गत बर्ष भएको एशिया कप छनौटमा खराब प्रदर्शन गर्ने क्रममा चौथो भएको नेपालले उक्त खराब प्रदर्शनको सजाय यस वर्ष पनि भोग्नु पर्ने भएको छ । जस अनुसार डिसेम्बरमा बंगलादेशमा हुने उक्त प्रतियोगितामा ५ टेष्ट राष्ट्रका साथै यूएई, हंगकंग र ओमन खेल्दा नेपाल बाहिर रहनेछ ।

२०२० मा टि-ट्वान्टी एशिया कप हुने, नेपालले दोहोरो छनोट पार गर्नु पर्ने
एसिसीले जारी गरेको तालिका अनुसार २०२० सितम्बरमा पाकिस्तानले एशिया कप आयोजना गर्ने भएको छ । एशिया कप प्रतियोगितामा ५ टेष्ट राष्ट्रका साथै एक एसोसिएट राष्ट्र छनौट प्रतियोगिता मार्फत आउने छ । एसिसीले एशिया कप छनौटका लागि एसोसिएट राष्ट्रका लागि दोहोरो छनौट प्रतियोगिता घोषणा गरेको छ । जसअन्तर्गत २०२० फेब्रुअरीमा पश्चिम र मार्चमा थाइल्याण्डमा पूर्व क्षेत्रको छनौट प्रतियोगिता हुने छ जसबाट प्रत्येक क्षेत्रीय प्रतियोगिताबाट दुई-दुई टोली अगस्टमा मलेसियामा हुने एशिया कप छनौट प्रतियोगितामा खेल्ने छन् र उक्त प्रतियोगिताको बिजेता एशिया कपमा छनौट हुने छ । यसका साथै एसिसीले २०२० मै महिला एशिया कप र अन्डर १९ एशिया कप, इमर्जिङ टिम्स कपको समेत आयोजना गर्ने भएको छ । २०२० सितम्बरमा बंगलादेशमा हुने महिला एशिया कपमा भारत, पाकिस्तान, बंगलादेश र श्रीलंकाका साथै सोही बर्ष जुनमा मलेसियाले आयोजना गर्ने महिला एशिया कप छनौटको दुई टोली खेल्ने छन् । उक्त छनौटमा ८ टोली खेल्ने भनिएपनि कुन कुन हुने टुंगो लागेको छैन । यसैगरी २०२० नोवेम्बरमा यूएईमा हुने अन्डर १९ एशिया कपमा ५ टेष्ट राष्ट्र र पूर्वका २ र पश्चिमको १ एसोसिएट हुने छन् । त्यस्तै डिसेम्बरमा भारतमा हुने इमर्जिङ टिम्स कपमा ५ टेष्ट राष्ट्रका युवा टोली र बरियता क्रममा माथिका ३ एसोसिएट हुने छन् ।

Post Your Comments

comments

आजको खेल :

Prime Minister Cup
2019
Mulpani Cricket Stadium

Prime Minister Cup
2019
Tribhuvan University International Cricket Ground

🇳🇵 Fixtures

Prime Minister Cup
2019
Mulpani Cricket Stadium

Prime Minister Cup
2019
Tribhuvan University International Cricket Ground

Prime Minister Cup
2019
Tribhuvan University International Cricket Ground

Prime Minister Cup
2019
Mulpani Cricket Stadium

ICC World Cup Twenty20 Asia Qualifier
2019
Indian Association Ground

Advertisement

More in Nepal International